Bandra terminus per Hindu ladki ke sath baat karne per Muslim yuvak ki bheed ne ki pitaai, darj hui FIR

Bandra terminus per Hindu ladki ke sath baat karne per Muslim yuvak ki bheed ne ki pitaai, darj hui FIR

 

Mumbai shahar mein Ek chaukane wali ghatna mein Bandra station per Ek Hindu Minor ladki ke sath baat karne wale Muslim yuvak ki bhid ne pitaai kar di.

Is ghatna ka yah video mangalwar ko hi social media per viral ho gaya tha.

Kya hai pura mamla press link for video

 

 Samajwadi party ke vidhayak Raees ur ‘All India majisalise ittehadul muslimin’ Ke rashtriya pravakta Waris Pathan aur MLa Zeeshan Siddiqui ne is mamle per teekhi pratikriya vyakt karte hue sakht kaarvayi ki mang ki hai.

Viral ho rahe video mein full sleeves ki Lal tshirt aur bhure rang ki pant pahne hue kisi ladke Ko bheed Ke log galiyan de rahe hain thappad maar rahe hain aur idhar udhar dhakel rahe hain.

Dusri taraf uske sath Ek ladki hamlavaron se rokane aur use jaane do ki appeal kahate hue ro Rahi hai.

Burkha pahne hue ladki lagatar bheed se use yuvak Ko nahin Marne ki vinanti kar rahi hai jabki bhi ladke ko coller aur Bal se pakad kar khinchte hue Bandra terminus se bahar le ja rahe the aur ” Jay shree Ram” ke nare Laga rahe the.

Yah video viral hone ke bad ab railway police in hamlavaron ke khilaf FIR darj karli hai

Is video ko lekar kuchh log dawa kar rahe hain ki ladki sirf 16 sal ki hai, vahi Anya kuchh log social media per yah tark de rahe hain ki vah ladki use vyakti ke sath bhag kar aaai thi.

Vahi police ke Ek Adhikari ke mutabik 16 sal ka ladka aur 17 sal ki ladki donon hi Thane jile ke Ambarnath ilake ke Rahane Wale Hain.

 Police Adhikari ke mutabik yah ghatna 21 July ki hai, jab Muslim ladke aur Hindu ladki ko logon ke Ek samuh ne railway station per pakad liya tha.

Ladki (17) ki Family ne pahle hi ambarnath mein uske kidnapping ki shikayat darj karvai thi. Jab logon Ko pata chala ki ladka aur ladki Bandra railway station per hai to Kareeb Ek darjan logon ne mauke per pahunchkar ladke ke sath maarpeet shuru kar di.

Police Adhikari ne kaha ki vahan mauke per maujud kisi vyakti ne is sari ghatna ko apne mobile phone mein capture kar liya aur mangalwar Ko yah video social media per viral Ho Gaya.

 Vahin aage baat karte hain hue unhone yah bhi kaha ki hamla karne ke bad bheed Ke log us ladke ko Bandra Purva sthit Nirmal Nagar police thane (बांद्रा पूर्व स्थित निर्मल नगर पुलिस थाने) le Gaye. Lekin ladki ke kidnapping ka mamla ambarnath mein darj hone ke Karan use vahan ki polish ko saunpa Gaya. Nirmal Nagar police thane ke Ek Adhikari ne kaha ki maarpeet ki ghatna railway station ke parisar mein hui thi isliye jaanch ke liye GRP ko iski suchna Di gai thi.

GRP ki Bandra ikai ke Ek Adhikari ne kaha ki ladke ki pahchan ki ja chuki hai aur uske family member se contact Kiya gaya hai. Sath hi adhikariyon ne kahan ke ladke ke Parivar se hamlavaron Ke khilaf official complaint darj karane ko kaha Gaya hai, taki mamla darj kar shuru Ho paye. Adhikariyon ne yah bhi kaha hai ki ladke ke sath maarpeet karne walon ki pahchan video ke jarie aasani se possible hai.

Is ghatna ke bad Thane Ke bhivandi sar ke sapa vidhayak  ne kaha ki , “kiBandra station per “love -jihad” ke naam per hindutv gundon ne ek Muslim ladke ko bade hi berami se pita. Aaj ham azadi ke 76 year ka celebration kar rahe hain, hamare shahidon ne kabhi bhi yah nahin socha tha ki Desh mein Ek din musalmanon Ko Aisa din bhi dekhna padega.”

Waris Khan Pathan ne Mumbai police se ahyan Kiya hai ki is mamle ko turant hi dhyan me le aur ismein Shamil sabhi gundon ko pakadkar unhen sakht se sakht Saja de taki bhavishya mein koi bhi aisi harkat karne ke bare mein n soche.

All India Majlis-e-Ittehadul Muslimeen (AIMIM) leader waris Khan pathani Twitter per is video ko post karte hue police ki karyvahi per bhi sawal Kiya hai. Unhone kaha ki, “Mujhe jankari Mili hai ki yah ghatna 21 / 22 July ke aaspaas hui thi Bandra railway station per Jo “Nirmal Nagar police station” Ke antargat aata hai. Lekin yah video social media per viral Ho Gaya to police Aaj Tak kya kar rahi thi, aakhir kyon vahan per maujud police dwara koi shikayat ya jaanch nahin ki gai thi.”

Unhone aage yah bhi kaha ki, ” Bandra terminus per Hui is ghatna se bahut hi pareshan hun, hamare samaj mein hinsa aur nafrat ko koi bhi jagah nahin hai. Dharm ya kisi Any bahane se aisi harkat swikarya nahi hai. Adhikariyon Ko pahle is video ko satyapit karna chahie aur jald se jald kaarvayi karni chahie.