Bangladesh Court Ka Big Decision: Sheikh Hasina Ko 5 Saal ki Jail — Rehana Aur Tulip Siddiq Bhi Convict.
Bangladesh Court Ka Big Decision: Sheikh Hasina Ko 5 Saal ki Jail — Rehana Aur Tulip Siddiq Bhi Convict.
View this post on Instagram
Aaj Bangladesh ki politics me ek aur bada jhatka laga. Dhaka ki Special Judge Court-4 ne former PM Sheikh Hasina ko 5 saal ki jail ki saza suna di. Ye case “Rajuk Plot Scam” se related hai—jisme sarkari plots ko galat tareeke se allot karne ka aarop tha. Ye case ACC ne January 2025 me file kiye gaye corruption ke chhe alag-alag cases me se ek tha.
Is faisle me Hasina ki chhoti behan Sheikh Rehana ko 7 saal, aur unki bhateeji — UK ki MP Tulip Siddiq ko 2 saal ki jail ki saza mili. Court ne teenon ko in absentia convict kiya, kyunki ye log iss waqt country me present nahi hain aur proceedings ke liye koi lawyer bhi appoint nahi kiya gaya.
Isse just kuch din pehle, Thursday ko ek doosri court ne Sheikh Hasina ko total 21 saal jail ki saza sunai thi — teen alag corruption cases me 7-7 saal karke. Ye saari sazaayein Dhaka ke Purbachal area me alleged illegal plot allotment ke scam se juda hua matter hai. ACC ke hisaab se, is poore case me 17 log involved hain.
Batadein ki Political circles me is faisle ki kaafi discussion ho rahi hai. Sheikh Hasina pehle bhi keh chuki hain ki inke khilaaf saare cases “politically motivated” hain. Iss beech Bangladesh ki interim government ne India ko unki extradition request bheji hai, jise Indian MEA ne confirm bhi kar diya hai. Filhaal New Delhi is request ka legal review kar raha hai.
