50 Rape Case ka Aaropi Government Hospital Se Faraar; Dhundne me karey Madad (Goa 11/12/2018)
May 2018 me Betalbatim beach pe ek 20 saal ki ladki se gangrape aur uska video banakar Rs. 1 lakh ki demand karne ke mamle mey, Colva police ne Indore (M.P) ke 3 logo ko giraftar kiya tha.
“Teeno aaropi; Ishwar Makhwana (25), Ram Santosh Bhatiya (19) aur Sanjeev Dhananjay Pal (25), Colvale Central Jail me qaid they. Monday subah ko TB hospital me ilaaj ke liye laaya gaya, mukhya aaropi Ishwar Makhwana faraar ho gaya. Police teams is aaropi ko sabhi jagah dhund mey juti hai.” – PI Siddhant Shirodkar, Panaji PS.
Mhow (Madhya Pradesh) ke rehne waale Makhwana par Rape, Murder, Robbery ke 50 se zyada mamle darj hai. Goa police ke alawa, Indore police bhi ek couple ke murder case me Makhwana ki talaash kar rahi hai.
Aam public se Appeal hai ki ye Aaropi kahi dikhey, to fauran Goa police ya apne nazdiki police station ko iski information dey. Information dene waali ko inaam ke saath uski pehchan gupt rakhi jayegi. Sr.PI Siddhant Shirodkar, Panaji police station, 7875756022 / 0832 2428482. – Report by Sher M. Khan for Gallinews.com.
Please Subscribe Gallinews New You Tube Channel and
Press Bell Icon to get Regular Update Press Link & Subscribe