Cash Ke Bags Se Kharidi Ja Rahi Hai Democracy,’ Sanjay Raut Ka Bada Aarop
Cash Ke Bags Se Kharidi Ja Rahi Hai Democracy,’ Sanjay Raut Ka Bada Aarop
View this post on Instagram
Maharashtra ke municipal elections mein bina mukable (unopposed) jeet ko lekar Shiv Sena MP Sanjay Raut ne Mahayuti sarkar par zabardast hamla bola hai. Raut ne kaha ki state mein democracy ko “paison ke bags se kharida ja raha hai”, jo pehle kabhi nahi dekha gaya.
Press conference mein bolte hue Raut ne kaha,
“Atal Bihari Vajpayee, Barrister Nath Pai, Vasantdada Patil, Ram Manohar Lohia ya phir Narendra Modi jaise neta bhi kabhi unopposed elect nahi hue. Lekin Maharashtra mein ab Sama, Dana, Danda, Bhed ka naya model chal raha hai.”
Sanjay Raut ne bada aarop lagate hue kaha ki opposition candidates ko ₹5 crore tak ki rakam dekar nomination wapas lene par majboor kiya gaya.
“Yeh sirf election machinery ka misuse nahi hai, balki paisa barsa kar democracy kharidi ja rahi hai,” unhone kaha.
Raut ne claim kiya ki journalists, political analysts aur public sab jaante hain ki itni badi sankhya mein unopposed candidates ka hona na sirf desh, balki duniya ke itihas mein bhi unprecedented hai.
