Mumbai Court Ne Filmmaker Abhinav Kashyap Ko Salman Khan Aur Unke Parivaar Ke Khilaaf Bayan Dene Se Rok Lagayi
Mumbai Court Ne Filmmaker Abhinav Kashyap Ko Salman Khan Aur Unke Parivaar Ke Khilaaf Bayan Dene Se Rok Lagayi
View this post on Instagram
Mumbai city civil court ne Bollywood actor Salman Khan ko defamation case mein interim relief dete hue filmmaker Abhinav Kashyap aur anya logon ko Salman Khan aur unke parivaar ke khilaaf kisi bhi platform par, kisi bhi form mein statement dene se rok laga di hai
Court ne apne order mein saaf kaha ki freedom of speech ka matlab yeh nahi hota ki koi abusive, threatening ya defamatory language ka use kare. Isi observation ke saath court ne restraint order pass kiya.
Salman Khan ne yeh defamation suit Abhinav Kashyap, Komal Mehru, Khushnoo Hazare, Ashok Kumar (John Doe) aur kuch social media platforms ke khilaaf file kiya tha. Actor ka kehna hai ki unke aur unke parivaar ke khilaaf jhoothe, scandalous aur highly defamatory allegations lagaye gaye.
Yeh mamla un videos aur interviews se juda hai jo “Bollywood Thikana” YouTube channel par September se December 2025 ke beech upload hue the. Channel ke owner Khushnoo Hazare bataye ja rahe hain. In videos mein Abhinav Kashyap par Salman Khan ke parivaar par careers destroy karne ke liye cartel chalane jaise serious aarop lagane aur aapattijanak bhasha ka use karne ka ilzaam hai.
Court ko bataya gaya ki is case se jude 26 video interviews aur podcasts maujood hain, jo is poore vivaad ka base hain.
Salman Khan ne court se permanent injunction ke saath-saath ₹9 crore ka damages bhi maanga hai. Case par aage ki sunwai ab baaki hai.
