Footpath Par Pregnant Woman Ne Di Delivery, Dongri Police Aur Local Women Ne Ki Madad — Baby Safe
Footpath Par Pregnant Woman Ne Di Delivery, Dongri Police Aur Local Women Ne Ki Madad — Baby Safe
View this post on Instagram
Mumbai ke Dongri area me ek shocking aur emotional incident saamne aaya, jahan ek pregnant woman ne footpath par hi delivery ki. Ye incident Tipsee Bar ke paas, Samantbhai Nanji Marg, Umrakhadi, Dongri me hua.
Dongri 5 aur Dongri 1 mobile units ko call mila ki ek woman ko severe labour pain ho raha hai. Jab police wahan pohonchi, unhone dekha ki 36-year-old Maladevi Maheshwaran Nadar footpath par scream kar rahi thi. Uske saath uske husband Maheshwaran Nadar bhi maujood the.
Police officers ne turant kapdon ka support dekar woman ko sambhala. Isi beech PSI Khadse (Dongri Beat Marshal 4) ne nearby do local women ko madad ke liye bula liya. Police aur local women ne milkar mother aur newborn baby ko clean kiya aur initial care di.
Uske baad mother aur baby ko cord ke sath hi kapde me wrap karke Dongri 1 mobile se JJ Hospital bheja gaya. Hospital ke doctors ne baby ki cord cut ki aur dono ka proper health check-up kiya. Doctors ke mutabik mother aur baby dono completely safe aur healthy hain.
Police ka kehna hai ki timely action aur local women ki quick help ki wajah se ye delivery safely ho payi.
