Malshej Ghat Me Land Slide Hua, Mumbai Ke Rehne Wale 1 Masoom Bachche Sahit 2 Logon Ki Maut, 3 Log Injured
Beeti raat Mumbai se kuch doori par famous tourist spot mana jaane wala Malshej Ghat par tez baarish ke chalte chattan khisakne se – Land Slide hone se 2 logon ki maut hogayi aur 3 log ghayal hue.
View this post on Instagram
Mili jankari ke anusar Mumbai Eastern Suburb ke Mulund me rehne wale Bhalerao parivar ke log apna Auto Rickshaw lekar apne gaon Sangamner ja rahe they.
Kalyan se Ahmednagar jaane wale NH 222 par Murbad ke aage Malshej Ghat par Land Slide hone se pahad ka malba Auto Rickshaw par gira, jisme Auto rickshaw me baithe log dab gaye. 3 log jaise taise jaan bacha paaye, lekin 2 logon ki maut hogayi.
Mritak ka naam Rahul Baban Bhalerao (30 yrs) aur unka bhatija Swayam Sachin Bhalerao (7 yrs) bataya ja raha hai.
