Medical Colleges Me Admission Dilane Ke Bahane Cheating Karne Wale Ko Sakinaka Se Arrest Kiya Karnataka Police Ne
Mumbai ke Sakinaka area me career counselling centre chalane wale Organda Arvind Kumar (47 yrs) namak shaks ko Karnataka police ne giraftar kiya.
Darsal, Organda Arvind Kumar originally Karnataka ke Belgaum ke rehne wale hain jinke khilaf pichle saal Karnataka me cheating ka case darj hua tha.
Mili jankari ke mutabik, iss mamle me complainant ka aarop hai ke Organda Arvind Kumar ne medical colleges me admission dilane ke bahane paisa le liya aur cheating kiya. Yeh bhi kaha jaa raha hai ke aisa kayi logon ke sath hua hai.
Karnataka police ko khabar mili ke aaropi Mumbai ke Sakinaka me hai jahan se police ne aaropi ko arrest kiya.
