Mumbai ka 125 saal purana iconic Elphinstone Bridge ho ga band,13 September ko hoga final shutdown.
Mumbai ka 125 saal purana iconic Elphinstone Bridge ho ga band,13 September ko hoga final shutdown.
Mumbai ka iconic Elphinstone Bridge, jo 125 saal purana hai aur Parel-Prabhadevi ke beech east-west connector ka kaam karta tha, ab officially band ho raha hai. Yeh bridge ko todkar uski jagah Elphinstone Flyover aur Sewri-Worli Elevated Connector Flyover banaya jaayega.
View this post on Instagram
Iske closure mein pehle bhi kai baar delays hue the — kabhi protests ki wajah se, kabhi exams ke time aur kabhi clearances pending hone ke kaaran. Ab finally 13 September se demolition work shuru hoga.
Mumbai Traffic Police ne 12 September raat 11:59 pm se one-way restrictions aur diversions announce kiye hain. Ab Dadar walon ko Tilak Bridge se diversion milega, Parel se Prabhadevi walon ko Currey Road Bridge (7 am – 3 pm) use karna hoga. Chinchpokli Bridge se log Worli aur Bandra-Worli Sea Link tak connect kar paayenge. West-east commuters ke liye bhi similar alternate routes plan kiye gaye hain.
Traffic discipline maintain karne ke liye no-parking zones bhi announce kiye gaye hain — jaise N.M. Joshi Road, Senapati Bapat Road aur aas-paas ke major stretches.
Yeh closure ek bade transition ka hissa hai jahan Mumbai ka ek 125 saal purana heritage bridge history ban jayega, aur uski jagah naye flyovers aayenge jo city traffic ko long-term relief dene ka promise karte hain.
