Mumbai Metro 1 Service Delay Hone Se Metro Stations Par Bheed Badhi, Yatri Hue Pareshan
Mumbai me Versova se Ghatkopar ke beech chalayi jaane wali Reliance ki Mumbai Metro 1 ki service aaj subha 9 baje ke baad se delayed thi.
Mumbai Metro ne iss baare me jankari dete hue bataya ke ek train service se hata di gayi thi jiske chalte train services me deri hui thi.
Mumbai Metro ne kuch waqt baad update dete hue bataya ke ab gaadiyan apne schedule par chal rahi hain lekin iss dauran metro stations par logon ki bheed badh chuki thi aur yatriyon ko kaafi dikkat ka saamna karte hue safar karna pada.
Kuch yatriyon ne social media par photos aur videos post karke station par badhi bheed ka nazara dikhaya.