Poultry Farm Ki Aad Mein Drugs Factory: Mumbai Case Se Mila Surag, ₹100 Crore Ka MD Drugs Zapt
Poultry Farm Ki Aad Mein Drugs Factory: Mumbai Case Se Mila Surag, ₹100 Crore Ka MD Drugs Zapt
Maharashtra mein chal rahe drugs cases ki investigation ne ek bade inter-state drug racket ka khulasa kar diya hai. Mira Bhayandar–Vasai Virar Police ne Rajasthan ke Jhunjhunu district mein poultry farm ki aad mein chal rahi MD drugs factory ka parda-faash kiya hai. Is action mein police ne lagbhag ₹100 crore ka drugs aur raw material zapt kiya hai.
Police ke mutabik, October mahine mein Mira Road ke Kashi Gaon area se MD drugs case mein 6 logon ko arrest kiya gaya tha. Unke paas se kareeb ₹1 crore ki MD drugs zapt hui thi. Isi case ki investigation ke dauran mile inputs aur technical clues ke base par police ki team Rajasthan ke Jhunjhunu pahunchi.
Investigation mein pata chala ki Jhunjhunu mein ek poultry farm ke cover mein MD drugs banayi ja rahi thi. Jab police ne raid ki, to wahan se: 10 kg MD drugs Drugs banane ka chemical raw material Processing equipment zapt kiya gaya. Police ke anusar, total seized material ki value ₹100 crore ke aas-paas hai.
Police ka kehna hai ki Jhunjhunu ki is factory se pichhle ek saal mein desh ke kai hisson mein ₹100 crore ki drugs supply ki gayi. Is poore racket mein ab tak total 11 accused arrest ho chuke hain.
