Raj Thackeray Ko Mili Rahat, 2008 Hate Speech Mamla Discharge Kiya Bombay High Court Ki Aurangabad Bench Ne.
Maharashtra Navnirman Sena (MNS) Chief Raj Thackeray Ke Khilaf 2008 Mein Osmanabad District Mein Bhadkau Bhashan Dene Aur Logon Ko Uksane Ka Mamla Darj Kiya Gaya Tha.
16 Saal Purane Iss Mamle Ko Quash Karne Ki Application File Ki Gayi Thi Lower Court Mein Jise Court Ne Reject Kar Diya Tha, Jispar Bombay High Court Ki Aurangabad Bench Mein Yeh Mamla File Kiya Gaya.
Bombay High Court Ne Iss Mamle Ki Sunwai Karte Hue Bataya Ke Koi Bhi Evidence Prove Nahi Kar Raha Hai Ke Raj Thackeray Ne Bhadkau Bhashan Diya Aur Logon Ko Uksaya, Iss Liye Yeh Mamla Discharge Kiya Gaya.
2008 Mein Raj Thackeray MNS Ne Uttar Pradesh Bihar Se Railway Ka Exam Dene Aye Hue Logon Ke Khilaf Protest Kiya Tha, Jispar MNS Workers Ne Kuch North Indians Ki Pitai Ki Thi Aur Osmanabad Mein ST Bus Par Pathrao Kiya Gaya Tha, Jise Lekar Mamla Darj Kiya Gaya Tha.
