17 Saal Purane Murder Case Mein Badi Safalta: Crime Branch Unit-4 Ne Wanted Accused Ko Kiya Arrest
17 Saal Purane Murder Case Mein Badi Safalta: Crime Branch Unit-4 Ne Wanted Accused Ko Kiya Arrest
Mumbai Crime Branch ke Unit-4 ne ek 17 saal purane murder case mein badi breakthrough hasil karte hue wanted aaropi ko giraftar kar liya hai. Aaropi par Mulund West mein hue ek brutal murder case mein shamil hone ka aarop tha aur woh 2008 se farar tha.
01 October 2008 ko Dangar Pada, Pipeline, Mulund Colony, Mulund West mein Rajesh Soni Lakhwani (31) ka nirmam qatl kar diya gaya tha. Investigation mein saamne aaya tha ki nasha (drug) ke len-den se jude vivaad ke chalte aaropiyon ne dhaar-daar hathiyar se jaanleva hamla kiya tha.
Is maamle mein Mulund Police Station Ne IPC Sections 302, 34, 120(B) aur Mumbai Police Act ke Sections 37(1)(a), 135 Ke tehat Case Register Huwa Tha
Is case mein pehle hi do aaropiyon Arun Annap Kunchikor Kanna alias Raja Ganesh Devendra Sunny alias Ajinkya Janakidar Kabade ko giraftar kar liya gaya tha aur unke khilaf chargesheet bhi file ki ja chuki thi. Lekin teesra aaropi Durgesh alias Chhotu Avdesh Gowda tab se wanted tha aur police ki pakad se bahar tha.
Crime Branch Unit-4 ne technical aur human intelligence ka istemal karte hue aaropi ka pata lagaya. Reliable input mila ki wanted aaropi Rawli Camp, Antop Hill (Mumbai-37) area mein aane wala hai. Iske baad police ne turant trap lagaya aur aaropi ko shatirdai se arrest kar liya.
Yeh safal karwai Mumbai Police Commissioner Shri Deven Bharti, Special CP (Crime) Shri Lakhmi Gautam, Additional CP (Crime) Shri Shailesh Balkawade, DCP (Detection) Shri Raj Tilak Roushan, ACP D (Central) Shri Sadanand Rane ke margdarshan mein anjaam di gayi.
Operation ko Senior PI Ravindra Kshirsagar, API Ajay Birajdar, PSI Nitin Bhosale, Police Naik Arun Ughade, HC Pramod More, PC Anil Pawar aur Crime Branch Unit-4 ki team ne successfully complete kiya.
