Har Saal Health Licence Renewal – Hoteliers ke Liye Museebat!BMC MOH File Atka kar rakhte hain, Ex-MLA Krishna Hegde ne CM se Action ki Maang ki.

Har Saal Health Licence Renewal – Hoteliers ke Liye Museebat!BMC MOH File Atka kar rakhte hain, Ex-MLA Krishna Hegde ne CM se Action ki Maang ki.

Mumbai ke hotel aur restaurant owners ke liye har saal health licence renewal ek badi mushkil ban gaya hai. Ex-MLA Krishna Hegde ne Chief Minister se appeal ki hai ki is annual renewal process ko band kiya jaye, kyunki BMC ke Health Officers (MOH) renewal files ko jaanbujh kar atka kar rakhte hain.

 

View this post on Instagram

 

A post shared by Gallinews India (@gallinews_com)

Hegde ne kaha, “Jab ek baar Health Licence poori compliance ke baad issue ho jaata hai, toh har saal BMC ke chakkar kyu lagane padte hain? Yeh toh online system ka purpose hi fail kar deta hai.”

Unka kehna hai ki online renewal ke bawajood MOH apni interference karte hain, jisse power ka misuse hota hai aur hazaaron hoteliers aur restaurant owners ko unnecessary takleef hoti hai.

Hegde ne yeh bhi point out kiya ki food quality FDA aur FSSAI dekhte hain, aur fire safety Fire Department ke under aati hai — toh phir BMC ki extra interference ki zarurat hi nahi hai.

Unhone yeh bhi kaha ki yeh annual renewal system sirf Mumbai mein hai, jabki Thane, Pune aur doosre states mein aisa system nahi hai.

Hegde ne CM se appeal ki ki MCGM ko yeh online health licence renewal system khatam kar dena chahiye, aur ensure karna chahiye ki Health Officers renewal files block karke apna fayda na uthayein.

Saath hi, unhone un officers ke khilaf bhi action ki maang ki jo establishment owners ko pareshan kar rahe hain — jo Mumbai ke liye jobs aur revenue dono generate karte hain.

Mili jaankari ke mutabik, B Ward, C Ward aur E Ward mein renewal ki files MOH aur department daba kar rakhte hain, jo corruption ka sabab ban jaata hai.

Chief Minister ne is issue par action lene aur examine karne ka assurance diya hai.

Hegde ne is matter par Deputy CM Eknath Shinde aur BMC Commissioner Bhushan Gagrani ko bhi likhit representation diya hai.