UPSC Exam Clear Karwane Ke Naam Par 60 Lakh Ka Dhokha.
View this post on Instagram
Mumbai k Malad Malvani m UPSC exam clear karwane ke naam par ek hotel owner ke saath 60 lakh rupaye ki dhokhadhadi ka mamla saamne aaya hai. Malvani ke ek hotel owner Irshad Khan ko do fraudsters ne apne jaal mein fasa liya. Unhone Irshad ko ye bharosa dilaya ki woh uske bete Saddam Khan ko Civil Services exam mein pass karwa denge. Iske liye unhone apna parichay Delhi ke Commissioner aur UPSC ke Chief Officer bataya aur phone par directly baat karke bharosa banaya.
Irshad ne apne bete ke sapne ko pura karne ke liye lagbhag ₹60 lakh alag-alag installments mein cash aur online transfer karke de diye. Lekin jab results aaye to kuch bhi change nahi hua. Irshad ko tab shaq hua aur unhone turant Malvani police station mein complaint darj karayi. Police ne case register karke ab fraudsters ki talaash shuru kar di hai.
Is ghatna ka ek aur pehlu ye bhi hai ki Irshad jaise mata-pita apne bachchon ke liye short-cut ka raasta dhoondhne lagte hain, jo galat hai. Bacchon ko safalta ki taraf badhane ke liye unhe mehnat, imandari aur sahi tayyari ki taraf protsahit karna chahiye. UPSC jaisi exams mein koi bhi guarantee ya manipulation possible nahi hota. Short-cut ki soch na sirf paisa gawaati hai, balki bacchon ko bhi ghalat sandesh deti hai.
UPSCFraud, Malvani, Malad, MumbaiCrime, UPSCScam, 60LakhFraud, CivilServicesScam, PoliceInvestigation, FraudAlert, EducationScam, ParentsBeware, MalvaniPolice, BreakingNews, ScamNews
