Tree Fall at Parel – Ek Mahila Ki Death Hui, 2 Din Mein Tree Fall Se 2 Death Hui Mumbai Mein
Iss saal Monsoon season me Mumbai me bahut jagah jhaad girne ke cases samne aaye hain aur 2 logon ki death ho chuki hain.
Monday ko Worli ke BDD chawl ke pass jhaad girne se Amit Jagtap namak 45 years old shaks buri tarah Ghayal hue the jinki hospital me treatment ke dauran death hogayi.
Tuesday ko Parel Bus Depot ke pass ek bada sa jhaad gira jiske neeche ek mahila aagayi, jinhe hospital lejaaya gaya tha. Iss haadse me jhaad ke neeche se guzar rahi Kachra chunne wali Varsha Kantilal Mestri namak 57 years old mahila ki death hogayi.
BMC ne baarish shuru hone se pehle bahut saare jhaad ko trim kiya tha aur logon ko baarish me jhaad ke neeche khade na hone ki appeal bhi kiya hai.
