Viral Sach: Kya India ki Schools me Bachcho ko Aisa Naach Sikhaya jaa Raha hai ?
Pichle kuch dino se Social Media par ek video viral hua. Jisme school uniform pehne kuch bachche ek ajeeb tarike se naach rahe hai. Video ko lekar logo ne daawa kiya ki “India ki schools me hamare masoom bachcho aur naslon ko kis kism ka naach / tarbiyat di jaa rahi hai."
Kya hai iski sachchai? Darasal ye video 2016 me Cuba ke shahar Camaguet ka hai. Is video ko ek bachche ke baap ne hi record kar Facebook par upload kiya tha. Jiske baad Cuba, Puerto Rico, Dominican Republic sameth kayi South American desho me iska virodh hua. Facebook se to is video ko delete kar diya gaya, par tab tak logo ne isey download karke viral kar diya tha
Spanish me is kism ke naach ko Sandungueo / Perreo kaha jaata hai. Spanish me kuttey (dog) ko Perro kehte hai. Is dance ke jo steps hai, wo kutto ki mating ki tarah hotey hai, aur is wajah se naam hua Perreo. South American desho ke club, disco, rasto par ye dance bilkul aam hai.
South America me badho ki harkat dekhkar, bachcho me bhi ye dance ab aam ho chuka hai.
Report for Gallinews.com by Sher M. Khan
Gallinews.com
Please Subscribe Gallinews New YouTube Channel and
Press Bell Icon to get Regular Update Press Link & Subscribe
