Waqf Board Ko Rs 10 Crore Dene Ka Ailaan Maharashtra Sarkar Ka, VHP Ne Kiya Virodh Kaha Hindu Ke Gusse Ka Saamna Karna Padega.
Waqf Board Ko Rs 10 Crore Dene Ka Ailaan Maharashtra Sarkar Ka, VHP Ne Kiya Virodh Kaha Hindu Ke Gusse Ka Saamna Karna Padega.
Maharashtra Ki Mahagathbandhan Sarkar Ne Waqf Board Ko Rs 10 Crore Dene Ka Ailaan Kiya Jispar Vishwa Hindu Parishad (VHP) Ne Virodh Jatate Hue Letter Issue Kiya.
VHP Ke Konkan Prant Mantri Mohan Salekar Ne Kaha Ke Congress Sarkar Jo Kaam Karne Se Bachti Rahi Hai, Woh Kaam Gathbandhan Sarkar Kar Rahi Hai, Yeh Dharm Ke Aadhar Par Tushti-Karan Hai.
“Ek Taraf Chunav Ke Dauran Dharm Ke Aadhar Par Koi Arakshan Ya Sahuliyat Nahi Di Jayegi Aisa Zor-Zorse Chillana. Wahin Dusri Taraf Chori-Chupe Kattar Pravrti Ko Badhawa Dena Yeh Kabhi Bhi Bardasht Nahi Kiya Jayega.”
Rajya Ki Mahagathbandhan Sarkar Ko Apne Faisle Par Punar-Vichar Karna Chahiye, Warna Aane Wale Assembly Aur Corporation Ke Chunav Mein Iss Rajya Mein Hinduwon Ke Gusse Ka Samna Karna Padega.
