Afghani Ladka Plane Ke Tyre Mein Chhupkar Delhi Pahuncha.
View this post on Instagram
“Miracle ya Security Lapse? Air Security aai sawalo k ghere m .
Delhi Indira Gandhi international Airport par ek hairatangez waqiya samne aaya, jahan ek 13 saal ka Afghani ladka Kabul se Kam Air ki flight ke landing gear (wheel well) mein chhup kar 94 minute ka khatarnaak safar tay karke Delhi pahuncha.
Yeh flight Hamid Karzai International Airport, Kabul se Airbus A340 par udi thi, aur ladka rear central landing gear mein chhup gaya. Experts ke mutabik wheel well mein 30,000-40,000 feet ki unchai par -50°C tak ki thand, oxygen ki kami aur pressure na hone ki wajah se survival lagbhag namumkin hota hai.
Landing ke baad white kurta-pyjama pehne ladka taxiway ke paas ghoomta hua dikha, jise dekhkar airline staff ne turant CISF ko alert kiya. Officials ke hisaab se ladke ko koi chot nahi lagi, aur isse ek “miracle” mana ja raha hai.
Ye incident Kabul aur Delhi dono airports ki security lapses ko expose karta hai, kyunki ek minor passenger ka is tarah se plane ke wheel well tak pahunchna aur bina detect hue India land karna dono taraf ki security ke liye badi chook hai.
Authorities ne ladke ka medical check-up karke usse immigration ke zariye Afghanistan wapas depot kar diya, aur uska India mein rehna allow nahi hua.
AfghaniLadka, DelhiAirport, PlaneTyreIncident, AirSecurity, Miracle, SecurityLapse, KabulToDelhi, FlightIncident, WheelWell, AirlineSafety, CISF, InternationalTravel, SurvivalStory, AviationNews, IndiaNews
