*AIMIM Corporator Sahar Sheikh ke father par fake OBC certificate ka aarop, Thane Tehsildar ne FIR ki recommendation ki.*
*AIMIM Corporator Sahar Sheikh ke father par fake OBC certificate ka aarop, Thane Tehsildar ne FIR ki recommendation ki.
View this post on Instagram
“Kaise haraya?” — ye sawal tab zyada charcha me aaya jab Sahar Sheikh ne apni jeet par kaha tha ki unhone strong political challenge ko hara diya. Ab wahi jeet phir se headlines me hai, kyunki unke parivaar se jude OBC certificate case par naya vivad khada ho gaya hai.
Thane Tehsildar office ne Sahar Sheikh ke father Yunus Iqbal Sheikh ke khilaf criminal case register karne ki recommendation ki hai. Inquiry report ke mutabik unpar aarop hai ki unhone fake OBC caste certificate ka use kiya aur usi ke basis par apni beti ke liye bhi caste certificate banwaya.
Ye inquiry Tehsildar Umesh Patil ne ek complaint par ki, jo NCP ki candidate Farha Shabab Ahmed ne file ki thi, jo municipal election me Sahar Sheikh se haar gayi thi.
Report 25 March ko Sub-Divisional Officer (SDO) ko submit ki gayi. Investigation me kaha gaya ki Yunus Sheikh ka 2011 ka OBC certificate official format me nahi tha, us par SDO ka mandatory signature nahi tha aur title me “State of Maharashtra” bhi mention nahi tha.
News agency Press Trust of India ki report k mutabik Inquiry me ye bhi saamne aaya ki Sheikh ke father aur uncle asal me Ghaziabad, Uttar Pradesh ke resident the, aur Maharashtra Caste Certificate Act 2000 ke hisaab se migrants ko Form-10 certificate lena hota hai, lekin allegedly documents me change karke Form-8 (native residents ke liye) ka certificate liya gaya.
Report me ye bhi kaha gaya ki 2018 me Sahar Sheikh ka caste certificate bhi isi “prima facie fake” certificate ke basis par banwaya gaya, jabki family Thane me rehti thi lekin certificate Mumbai City Collector office se liya gaya.
Tehsildar ne recommendation di hai ki aise sabhi certificates cancel kiye jayein aur Yunus Sheikh ke khilaf cheating aur fraud ka FIR register kiya jaye.
*Aap apne comments hamein zarur kijiye aur more updates k liye Galli news par bane rahiye.*
