Airport Ke Paas 400 Metre Ke Ride Ke Liye ₹18,000 Vasoolne Wala Taxi Driver Giraftar
[ads]
View this post on Instagram
Mumbai ke airport area mein ek American national ke saath hui cheating ke mamle mein Mumbai Police ke Sahar Police ne 50 saal ke taxi driver ko arrest kiya hai. Aropi par allegation hai ki usne sirf 400 metre ke ride ke liye ₹18,000 charge kiye.
Police ke mutabik, giraftar aropi ka naam Yashraj Yadav alias Papuu (50) hai, jo Sahar Village ka rehne wala hai.
Is case mein do log shamil the:
Yashraj Yadav – arrest ho chuka
Taufiq Shaikh – absconding, jiski talash jaari hai
Taxi ko seize kar liya gaya hai.
Yeh case tab saamne aaya jab American citizen Argentina Ariano ne social media par post daal kar Mumbai Police ko tag kiya aur #scam likha. Post viral hote hi police ne inquiry shuru ki.
Police ne taxi number ke base par aropi ko trace kiya.
Senior PI Manoj Chalake ne bataya:
Bharatiya Nyaya Sanhita (BNS) ke Sections 318(4) aur 3(5) ke tahat FIR darj
Aropi Yadav ko court ne judicial custody mein bhej diya
Dusra aropi Taufiq Shaikh paise lekar Uttar Pradesh bhag gaya, jiske khilaf pehle se multiple cheating cases registered hain.
