Ambani Ke Bete Ki Shadi Mein Tejas Thackeray Ka Dance, BJP Ko Aitraz, Aditya Thackeray Ne Kaha Parivarik Sambandh Hain Humare
Ambani Ke Bete Ki Shadi Mein Tejas Thackeray Ka Dance, BJP Ko Aitraz, Aditya Thackeray Ne Kaha Parivarik Sambandh Hain Humare
Billionaire Mukesh Ambani Ke Chhote Bete Anant Ambani Ki Shaadi Ko Rasam Chal Rahi Hai, Jisme Ek Program Mein Ghar Parivar Ke Logon Ke Sath Uddhav Thackeray Ke Chhote Bete Tejas Thackeray Bhi Dance Karte Dikhe Aur Video Viral Hua.
View this post on Instagram
BJP Mumbai President Ashish Shelar Ne Is Video Ko Post Karte Hue Aitraz Jataya Aur Likha Ke Jo Marathi Navjawan Kabhi Koi Marathi Festivals Aur Kisi Dusre Sanskritik Program Mein Nachte Nahi Dikha Wo Ambani Ki Shadi Mein Naach Raha Hai.
Iss Par Tejas Thackeray Ke Bhai Shivsena UBT Ke MLA Aditya Thackeray Ne Media Se Baat Karte Hue Kaha Ke Dhirubhai Ambani Ke Waqt Se Humara Ambani Parivar Ke Sath Parivarik Rishta Hai.
“Hum Teesri Peedhi Hain Aur Rishta Qayam Hai, Aur Yeh Gharailu Program Tha,” Sath Hi Kaha Ke Ambani Ne Mumbai Aur Maharashtra Ke Liye Bahut Kuch Kiya Hai, Yahan Ka Karobar Gujarat Nahi Le Gaye Kabhi, Yahan Ke Bahut Logon Ko Kaam Diya Hai.
