America me ek aur Bhartiya nagrik ki hatya (4/3/2017)
2 hafto ko bhithar, America me reh rahe Bhartiyo pe dusri hinsak ghatna.
South Carolina ke dukan maalik Harnish Patel (43) ki Thursday raat ko goli marke hatya kar di gayi. Raat 11:30 ko apni dukaan band karke ghar pe aaye they Patel. Car park karte samay unke ghar ke bahar kisi ne goli maar di.
Pichle hafte hi America ke Kansas shahar me, US Navy ex-officer Adam Purinton ne 2 Indian Engineers ko goli maar di thi. Purinton ne pehle kaha “Nikal Jaao Mere Desh Se” uske baad andha dhun goliya chala di. Hamle me Srinivas Kuchibhotla (32) ki mauke pe maut ho gayi aur unke dost Alok Madasani (32) gambhir roop se ghayal ho gaye they.
Iske alawa, Black Americans ke ghar ke bahar ‘NIGGA’ likha jaane laga hai. Nigga / Negro shabd ko America me ek gaali aur apmanit shabd kaha jaata hai.
President Donald Trump ke opposition ka manna hai ki Indians aur Blacks pe hamlo ka silsila Trump ki jeet ke baad shuru huwa hai.
Insaniyat ki bajaye Rashtravad aur White Supremacy jaisi bhavnao ko badhava dene ke karan, yeh hamle ho rahe hai.
Gallinews.com
–
–
(For More IMP News) like and follow us on
https://m.facebook.com/gallinews/
https://twitter.com/gallinews?s=08
https://www.youtube.com/user/gallinews
