Asangaon–Atgaon Railway Crossing 14 Ghante Rahega Band, 6 June Ko
Mumbai aur Kasara route par safar karne walon ke liye zaroori update hai. Central Railway ke mutabik Asangaon aur Atgaon stations ke beech Railway Level Crossing Gate No. 69 ko 6 June ko 14 ghante ke liye band rakha jayega.
Yeh gate 6 June ko dopahar 1:30 baje se 7 June subah 4 baje tak band rahega. Railway ne bataya ki yeh bandh 3rd line construction aur Electronic Interlocking commissioning ke kaam ke liye kiya ja raha hai.
Iske saath hi Atgaon mein 13 ghante ka traffic aur power block bhi liya jayega, jiske chalte kai long-distance trains cancel, divert, short-terminate ya reschedule ki jayengi.
