BEST Strike Ka Asar Dikha Mumbai Ki Sadko Pe

BEST Strike Ka Asar Dikha Mumbai Ki Sadko Pe

Mumbai mein BEST employees ki anischitkaalin strike shuru hone ke baad Friday subah se public transport buri tarah prabhavit ho gaya. Union aur administration ke beech baatcheet be-nateeja rehne ke baad karamchari strike par chale gaye.

Subah 9:30 baje tak 2,766 buses ke fleet mein se sirf 32 buses hi sadak par thi, jabki stone pelting ki ghatnaon ke baad 6 buses ko depot wapas lautna pada.

BEST strike ka asar rozana safar karne wale lagbhag 23 lakh passengers par pad raha hai. Kai logon ne bus ki jagah Metro ka sahara liya, jiske chalte CSMT Metro Aqua Line 3 par lambi queues dekhne ko mili.

Mumbai Police ne pehle hi warning di thi ki BEST services par MESMA lagu hai aur kisi bhi tarah ki hinsa ya tod-phod par sakht karwai ki jayegi.