BJP corporator ke kapde faad ke, pedh se bandh kar pithai ki (3/10/2017)
Bade bade wade karke netao ko satta to haasil ho jati hai. Par wade pure na karne par public kis hadh tak jaa sakti hai, iska jeeta jagta namuna aaj Gujarat ke Vadodara me dekhne ko mila.
Media reports ke mutabik, Vodadara slum area me atikraman ki karwahi me kayi gharo ko giraya gaya. Logo ka aarop hai ki local BJP corporator Hasmukh Patel ne unhe Notice nahi di thi.
Jiske baad, ghussaye logo ne corporator sahab ke kapde faad kar unhe ek pedh se bandh diya. Is dauran bheed ne corporator sahab ki pithai ki aur unhe gandi gaaliya bhi di.
Aakhir kaar police ne mauke par pahunch kar, corporator sahab ko bheed ke chungal se chudaya.
Is pure mamle me police ne kareeb 30 logo ko giraftar kiya hai.
