BKC Metro Station Ke Basement Mein Mila Zehreela Russell’s Viper Saanp, Safe Rescue Ka Video Viral
Monsoon ke dauran Mumbai mein saanpon ke nazar aane ke maamle badh rahe hain.
Isi beech Mumbai Metro Line 3 ke BKC station ke basement mein ek behad zehreela Russell’s Viper (Ghonas) saanp milne se hadkamp mach gaya. Security staff ki satarkta ki wajah se saanp ko surakshit tareeke se rescue kar liya gaya.
Rescue team ke mutabik, saanp lagbhag 2 se 2.5 foot lamba tha aur use Bharat ke sabse zehrele saanpon mein se ek maana jata hai. Saanp ek kone mein kamzor aur sust haalat mein baitha hua mila.
