BMC Ne Construction Sites Ke Liye Jaari Ki Strict Safety Guidelines
Mumbai mein lagataar ho rahi baarish aur 70–80 kmph ki tez hawaon ke beech BMC ne sabhi construction sites ke liye sakht safety guidelines jaari ki hain.
BMC ne developers, architects, licensed surveyors, contractors, project managers aur engineers ko turant safety measures lagu karne ke nirdesh diye hain.
BMC Ki Main Guidelines:
✅ Scaffolding, cranes, metal sheets, compound walls aur sabhi temporary structures ki turant safety checking karein.
✅ Building ki chhat aur upper floors par rakhi loose materials ko hataayein ya mazbooti se secure karein.
✅ Excavation sites par extra safety aur regular monitoring rakhein.
✅ Tower cranes, construction lifts aur lifting equipment ki stability check karein.
✅ Mausam kharab hone par lifting work aur height par chal raha kaam turant rok diya jaye.
✅ Sabhi workers ke liye PPE (Safety Gear) aur fall protection ka istemal compulsory rahega.
✅ Puri construction site ka safety inspection karke kisi bhi khatre ko bina deri door kiya jaye.
