Bulldozer Karwai Par Supreme Court Ne Poore Desh Me Lagayi Rok, Agli Sunwai 1 October Ko Hogi
Desh Me Chal Rahe Rajya Sarkar Ke Illegal Bulldozer Action Ke Khilaf Supreme Court Me Petition File Ki Gayi Thi.
Iss Mamle Ki Sunwai Karte Hue Supreme Court Ke Justices BR Gavai Aur KV Viswanathan Ki Bench Ne Kaha Ke Iss Mamle Ki Agli Sunwai Hone Tak Poore Desh Me Kahin Bhi Koi Illegal Bulldozer Action Nahi Hoga.
Saath Hi Court Ne Yeh Bhi Clear Kiya Ke Sarkari Zameen Par Hue Encroachment Ko Hatane Ke Liye Bulldozer Karwai Ki Jaa Sakti Hai.
Iss Se Pehle Supreme Court Ne Kaha Tha Ke Kisi Ke Bhi Gharon Par Bulldozer Karwai Kaise Kar Sakte Hain Chahe Woh Aaropi Hi Ho, Aur Aisa Karne Wali Sarkar Ko Phatkar Lagayi Thi.
Iss Case Ki Agli Sunwai 1 October Ko Hogi.
