Chain Snatchers Ke Hausle Bulund, 2 Din Mein 4 Cases Saamne Aaye Mumbai Ke Alag-Alag Areas Mein
View this post on Instagram
Mumbai Mein Bheed Ka Fayda Uthakar Logon Ki Valuable Cheeze Chura Kar Bhagna, Chain Snatching Ke Badhte Mamle Chinta Ka Vishay Bane Hue Hain.
Khabron Se Mili Janakari Ke Anusar Mumbai Mein 2 Din Mein Alag-Alag Jagahon Se 4 Chain Snatching Ke Mamle Saamne Aaye, Jisme Total Kareeb 3.65 Lakh Ki Gold Chain Churayi Gayi.
South Mumbai Ke Byculla Area Mein S Bridge Ke Pass 60-Year Old Mahila Ki Gold Chain Lekar Farar Hone Ki Complaint Darg Ki Gayi Hai Agripada Police Station Ne, Aur Investigating Jaari Hai.
Malad East Area Mein Morning Walk Kar Rahi 45-Year-Old Mahila Ki Rs 55,000 Value Ki Chain Snatching Ka Mamla Dindoshi Police Station Mein Darg Ki Gayi.
Andheri East MIDC Police Station Ki Hadh Mein Ek Mahila Ki Chain Aur Mangalsutra Khinch Kar Farar Hua Shaks, Jisme Mahila Injured Hui. Wahin Ek Aur Mamla Mein Andheri Ki Hi Rehne Wali Mahila Ki Gold Chain Khinch Kar Farar Hua Aropi. MIDC Police Station Mein Mamla Darg Kar Dono Mamle Ki Investigation Jaari Hai.
