Chalti Kasara Local Train par Patthar Mara Unknown Shaks ne, 2 Yatri Injured Hue Between Titwala – Khadavli
Central Railway ke Titwala – Khadavli station ke beech chalti train par kisi unknown shaks ne patthar maara, jisse train mein sawar gate par khade 2 passengers injured hue, ek ke sir par injury hui.
Ghatna Wednesday ke raat ki batayi ja rahi hai, jab Central Railway ki Mumbai CSMT se nikli Kasara Local Khadavli ke pass se guzar rahi thi, tabhi track ke pass wale slum se kisi ne patthar maara.
Injured passengers ko hospital le jaya gaya, jahan unka ilaaj karke same time ghar bhej diya gaya.
Kalyan Railway Police is haadse ki khabar milne par spot par pahunch kar chanbeen kiya, lekin koi mila nahi. Railway Police is mamle ki janch kar rahi hai.