Contractor Se ₹1 Lakh Ki Extortion Ka Mamla: Ek Aaropi Arrest, Dusra Wanted
Mumbai ke Andheri East mein house repairing contractor se ₹1 lakh ki extortion maangne ke mamle mein andheri police ne karwai karte hue ek aaropi ko giraftar kar liya hai, jabki dusre aaropi ki talash jaari hai.
Police ke mutabik, complainant Mukhtar Abdul Sattar Shaikh, jo Sahar area mein house repairing ka kaam karte hain, ne shikayat di thi ki 09 July 2026 ko unhe J.B. Nagar bulakar Mohammed Siddiqui Bagul aur Imran Shaikh ne Sahar mein kaam jaari rakhne ke badle ₹1 lakh ki extortion maangi. Aarop hai ki paise na dene par kaam band karwane ki dhamki di gayi aur complainant se zabardasti ₹2,000 bhi le liye gaye.
Police ne mamle mein Mohammed Siddiqui Bagul ko arrest kar liya hai, jabki Imran Shaikh abhi wanted hai aur uski talash jaari hai. Mamle ki aage ki jaanch PSI Mahesh Digambar Khade kar rahe hain.
Is shikayat ke aadhar par Andheri Police ne FIR No. 0627/2026 darj kar Bharatiya Nyaya Sanhita (BNS), 2023 ki Dhara 308(2) aur 3(5) ke tahat case register kiya.
