Delhi High Court Ne Class 12 Board Exams Mein Calculator Ki Ijazat Ki PIL Par CBSE, NCERT Se Maanga Jawab.
Delhi High Court ne Class 12 board exams mein basic calculator istemal karne ki ijazat maangne wali PIL par CBSE, NCERT aur Central Government ko notice jaari kiya hai.
Court ne authorities ko 6 hafton ke andar apna jawab dene ka nirdesh diya hai.
Yeh PIL Vishal Dua aur 10 anya parents ne file ki hai. Ismein kaha gaya hai ki Mathematics aur Accountancy jaise subjects mein students ko lengthy calculations khud karne mein kaafi waqt lagta hai, jisse unhe apni conceptual understanding dikhane ke liye kam samay milta hai.
PIL ke mutabik, CBSE ki Curriculum Committee ne November 2024 mein Class 12 Accountancy exam mein basic calculator ki permission dene ki recommendation ki thi. Lekin ab tak ise lagu nahi kiya gaya hai.
Ek Zaroori baat batadein ki Court ne abhi calculator istemal karne ki permission nahi di hai.
Sirf CBSE, NCERT aur Central Government se jawab maanga hai.
Kya aapko lagta hai ki Class 12 ke students ko board exams mein calculator ki permission milni chahiye? Apni rai comments mein zaroor batayein aur aisi hi zaroori khabron ke liye Galli News par bane rahiye.
