Dongri Ke Farook Taaza Nahi Rahe, Shaam 7:00 Baje Bada Qabristan Me Hogi Tadfeen
Ramzan k babarkat mahine m Dongri ki galiyo mein “Utho Allah ke Nek Bando Utho,Sehri ka waqt ho gaya hai” aap sab n suna ho ga. Ye Awaaz Farook Taaza ki thi jo ab sunne ko nahi mile gi. Farook Bikan Badar Qureshi urf Taaza bhai inteqaal kar gaye h.إِنَّا لِلّهِ وَإِنَّـا إِلَيْهِ رَاجِعونَ
View this post on Instagram
Apni purjosh awaaz m Shab-e-barat , Shab-e-Meraj aur Ramzan m Sehri k waqt Farook Taaza ye sada lagate the aur sab ko nind s bedaar karte the.
Farook Taaza bohot hi khush tabiyat k maalik the aur aksar gali k log un s hasi mazak bhi kiya karte the jis par wo pur josh andaaz m hasa karte the.
Farooq Taaza nihayet hi ghareeb aur sada tabiyat k maalik the . Dongri ,Mohd Ali Road Aur Bhendi Bazar mai bohot Famous the. Haath m loudspeaker liye wo awaaz lagaya karte the.
Mojuda waqt k nojawano ki bachpan ki yaad m s ek khush gawar yaad Farook Taaza ki lagne wali sada bhi h jo wo Ramzan m lagaya karte the.
Farook Kayi kilometer paidal hi chalte the aur ye kaam bina kisi garz k Fi-Sabilillah kiya karte the. kisi s koi mutalba nahi karte the jo koi bhi khushi s de deta tha wo qabul kar lete the.
Aap ko batadein k Farook Qureshi Urf Taaza bhai ki tadfeen aaj shaam 7.00 baje Bada Qabristan m ho gi.
Galli news k puri team Allah s dua go h k Allah unki magfirat farmaye aur un k Ahle khana ko sabre jameel ataa farmaye