ED Ne MLA Rohit Pawar Ki 50 Crore Value Ki Sugar Mill Zabt Kiya, Yeh Illegal Karwai Hai Kaha Rohit Pawar Ne
Enforcement Directorate (ED) ne Maharashtra State Cooperative Bank (MSCB) me hue allegedly Rs 25,000-crore scam mamle me money laundering case darj kiya tha
Iss case ko lekar NCP (Sharad Pawar) ke MLA Rohit Pawar se poochtach bhi hui thi ab ED ne iss Mamle me Rohit Pawar ki Kannad ki company Baramati Agro Ltd ka lagnhag 50 Crore value ka assets zabt kar liya hai
MLA Rohit Pawar ne ED ki iss karwai par kaha ke yeh illegal karwai hai, kyonke iss baare me ED ne kuch officially bataya nahi hai aur na hi koi order diya hai
Rohit Pawar ne aage kaha ke iss baat ko lekar Kisano ko aur karkhane ke workers ko fikar karne ki zaroorat nahi hai, Karkhana bandh nahi hoga, humlog sachchai aur insaf ki taraf hain