Facebook Par Hui Dosti, Shaadi Ka Wada Aur Relationship: Aaropi Ko Bombay Sessions Court Se Mili Bail

Facebook Par Hui Dosti, Shaadi Ka Wada Aur Relationship: Aaropi Ko Bombay Sessions Court Se Mili Bail

Mumbai: Facebook ke zariye ek divorcee mahila se dosti aur shaadi ka wada karke Santacruz West ki hotel mein uske saath galat kaam karne ke aarop mein 26 saal ke shaadi-shuda aadmi ko Bombay Sessions Court ne bail de di hai.

Aaropi ki taraf se Advocate Nazneen Adil Khatri ne bail application file ki aur Supreme Court ke judgments ka hawala dete hue bail ke liye arguments rakhe.

Advocate Nazneen Khatri ne bataya ki
F.I.R ke mutabik Aaropi aur divorcee mahila ke beech relationship tha. Mamla tab saamne aaya jab aaropi ki wife ko affair ka pata chala aur usne mahila ko bataya ki aaropi pehle se shaadi-shuda hai.

Is baat se mahila ka bharosa toot gaya aur usne Santacruz Police Station mein FIR darj karayi.

Victim mahila khud Bombay Sessions Court mein present hui aur Judge se aaropi ki bail reject karne ki request ki.

APP Ms. Ranjana E. Budhwant ne bhi prosecution ki taraf se bail oppose ki.

Dono taraf ki arguments sunne ke baad Additional Sessions Judge Smt. S.K. Upadhyay ne aaropi ko conditions ke saath bail grant ki.

Adv Nazneen Khatri ne bataya ki Court ne condition lagayi ki aaropi victim mahila ke area/locality mein nahi jayega aur mobile, Facebook, Instagram, email ya kisi bhi social media platform ke zariye victim se contact nahi karega.