FDA Par Bombay High Court Ka Sakht Sawaal: Hotels Ki Inspection Me Ghante, Mantralaya Canteen Sirf 30 Minute Kaise?

FDA Par Bombay High Court Ka Sakht Sawaal: Hotels Ki Inspection Me Ghante, Mantralaya Canteen Sirf 30 Minute Kaise?

Darasal, ek Udipi Restaurant Poornima ne apna licence suspend/cancel hone ke baad Bombay High Court ka darwaza khatkhataya tha.

Isi petition ki sunwai ke dauran Court ke saamne FDA ki inspection process par kai sawaal khade hue.

Court ko bataya gaya ki Udipi Restaurant ki inspection me lagbhag 5 ghante, jabki Park Radisson Hotel ki inspection me 8 se 10 ghante lage.

Lekin Mantralaya ki canteen ki inspection sirf 30 minute me kaise poori ho gayi aur use 98% compliance ke saath clean chit kaise de di gayi?

Sunwai ke dauran petitioners ke advocates ne FDA ki report ko challenge karte hue Mantralaya canteen ki photos aur videos Court ke saamne pesh kiye.

Bench ne kaha ki agar private hotels par sakht action liya ja sakta hai, to sarkari aur semi-government canteens ke liye bhi wahi standards lagu hone chahiye.

Court ne FDA se yeh bhi sawaal kiya ki inspection ke usi din suspension notice kyon jaari kar diya jaata hai? Pehle improvement notice dekar kamiyaan door karne ka mauka kyon nahi diya jaata?

High Court ne kaha ki ek jagah licence suspend aur doosri jagah sirf improvement notice dena theek nahi hai.

Sabke liye ek hi kanoon aur ek hi standard hona chahiye.

Wahi FDA Ne Udipi Resturat Poornima ka Suspension Notice ko Improvement notice karne ko tayyar Hogaye