Garmi Se Pareshan Mumbaikars, Versova Beach Par Sote Nazar Aaye Log; Video Viral
Monsoon ki aahat ke bawajood Mumbai mein garmi aur humidity se logon ka haal behaal hai. Tez garmi se rahat paane ke liye kai log Versova Beach par sote aur aaram karte nazar aaye, jiska video social media par viral ho raha hai.
Viral video mein beach par badi sankhya mein log, jinmein mahilaayein, bachche aur buzurg bhi shamil hain, chataiyan bichhakar aaram karte dikh rahe hain. Kai logon ka kehna hai ki gharon ke andar itni garmi hai ki raat guzarana mushkil ho gaya hai.
Ek sthaniya nivasi ne bataya ki woh rozana garmi se bachne ke liye beach par sone aate hain. Samundar ke kinare chalne wali thandi hawa unhe kuch rahat deti hai.
