Goregaon Mein 18 Mahine Ki Bachchi Ki Maut Ka Maamla: 10 Saal Ki Padosi Bachchi Ke Khilaaf Murder FIR Darj.

Goregaon Mein 18 Mahine Ki Bachchi Ki Maut Ka Maamla: 10 Saal Ki Padosi Bachchi Ke Khilaaf Murder FIR Darj.

Mumbai ke Goregaon East mein 18 mahine ki Ariba Khan ki maut ke maamle mein Dindoshi Police ne 10 saal ki padosi bachchi ke khilaaf murder ki FIR darj ki hai.

Yeh ghatna 14 October 2026 ki raat kareeb 9 se 9:30 baje ke darmiyan Anjuman Society ki building mein hui.

Police ki jaanch aur CCTV footage ke mutabik, chhoti bachchi building ki chhathi manzil par apne ghar ke bahar common corridor mein ek billi ke saath khel rahi thi.

Isi dauran aarop hai ki usi manzil par rehne wali 10 saal ki bachchi ne use lift ki taraf bulaya aur elevator ke paas bane duct mein neeche dhakel diya. Iske baad woh wahan se chali gayi.

Jab Ariba nazar nahi aayi, toh uski maa ne uske 12 saal ke bhai ko use dhoondhne bheja. Bhai ne stairwell se neeche dekha toh use basement mein ek bachchi padi nazar aayi, jiske kapde uski behen se milte the. Gharwalon aur building ke logon ne Ariba ko hospital pahunchaya, lekin doctors ne use mrit ghoshit kar diya.

Shuru mein police ne accidental death ka case darj kiya tha. Baad mein CCTV footage aur Ariba ki maa ki shikayat ke aadhar par 10 saal ki bachchi ke khilaaf murder ki FIR darj ki gayi.

Police ne kaha ki maamle ke sabhi pehluon ki jaanch zaroori hai.

Juvenile Justice Board k faisle ki baat karein to,

10 saal ki bachchi ko Juvenile Justice Board ke saamne pesh kiya gaya. Board ne uski counselling karane aur iske liye ek NGO ki madad lene ka nirdesh diya.
Use uske parents ki dekhbhaal mein bhej diya gaya.

Dosto,
Aap ko Zaroori kanooni baat batadein ki

Is mamle m FIR darj hone ka matlab jurm sabit hona nahi hai.

10 saal ki bachchi ke maamle mein kanoon uski umar aur yeh bhi dekhta hai ki kya use apne kaam ke natije samajhne ki paryapt samajh thi ya nahi,

Isliye final kanooni zimmedari ka faisla bina jaanch aur kanooni prakriya poori hue nahi maana ja sakta.