Govandi Police Ne 3 Fake HDFC ERGO Call Centres Ka Kiya Bhandaphod! 12 Aaropi Girftar, ₹17.18 Lakh Ka Muddemaal Jabt

Govandi Police Ne 3 Fake HDFC ERGO Call Centres Ka Kiya Bhandaphod! 12 Aaropi Girftar, ₹17.18 Lakh Ka Muddemaal Jabt

Govandi Police ne online insurance fraud racket ka bada bhandaphod karte hue HDFC ERGO Health Insurance ke naam par logon ko thagne wale 3 fake call centres ka pardafash kiya hai. Police ne 12 aaropiyon ko giraftar karte hue ₹17.18 lakh ka muddemaal jabt kiya hai.

Investigation ke dauran Govandi Police ke Cyber Team ne technical analysis ke aadhar par Kohinoor City Mall, Kurla West mein chal rahe fake call centre par raid ki. Wahan se 6 aaropiyon ko pakda gaya. Baad ki poochtaach mein Asalfa Village aur Kohinoor Mall ke ek aur call centre ka pata chala, jahan raid karke aur aaropiyon ko giraftar kiya gaya.

Yeh operation Mumbai Police Commissioner Deven Bharti, Joint CP Manojkumar Sharma, Additional CP (East Region) Dhananjay Kulkarni, DCP Sameer Shaikh, ACP Ramrao Dhikale ke margdarshan mein Senior PI Pandharinath Sawant, PI Hanmant Kshirsagar, PI Dayanand Jadhav, PSI Ajay Golhar, PSI Ajit Kank, PSI Rahul Karankal aur Govandi Police Cyber Team ne anjaam diya.