Group admins pe darj hogi FIR, jana padhega jail Varanasi DM & Sr. SP order (22/4/2017)
WhatsApp aur Facebook ke group admins ke liye Varanasi ke District Magistrate Yogeshwar Ram Mishra aur Senior Superintendent of Police Nitin Tiwari ne jaari kiya Joint Order.
Agar kisi group me koi member ne bhadkau / jaatiwadi message, ya morphed photos wagairah post ki, to Admin ko us member ko group se nikalna hoga. Iske alawa Admin ko us post ki report nazdiki police station me bhi karni hogi.
Members dwara Fake News dale jaane par, Admin ko sahi aur galat khabar ka Group pe khulasa karna hoga.
Admin apne group me sirf unhi logo ko ADD kare, jinhe wo khud jante-pehchante ho. Aisa nahi karne par, IPC aur IT Act ke tehet Group Admin par bhi FIR darj hogi.
Varanasi & Jharkhand Order PIC:
Facebook, WhatsApp Admins ke liye Varanasi court ke is naye order ka kya mahatva
Aapko batade ki December 2016 me Delhi High Court ne Ashish Bhalla v. Suresh Chaudhary, mamle me court ne maana tha ki members ki post ke liye Group Admin zimmedaar nahi hai. Yeh order Delhi High Court ke jurisdiction tak hi simit tha.
April 2016 me Jammu & Kashmir ke DM ne bhi members dwara ki gayi vivadit post ke liye WhatsApp group admin ko zimmedaar thehraya tha.
Aur dobara October 2016 me, Jharkhand sarkar ne bhi Varanasi jaisa farmaan jaari kiya hai.
In halaat me kisi group Admin pe alag alag jagah pe FIR hoti hai, to Delhi High Court ka order uske paksh me ho sakta hai, par dusre District Court aur Government orders ke tehet uspe karwahi hona lazmi hai.
(For More IMP News) like and follow on
https://m.facebook.com/gallinews/
https://twitter.com/gallinews?s=08
https://www.youtube.com/user/gallinews