“Har Nagrik Ko Shantipoorn Protest Ka Haq, Police Zarurat Se Zyada Bal Ka Istemal Nahi Kar Sakti: Supreme Court”.

“Har Nagrik Ko Shantipoorn Protest Ka Haq, Police Zarurat Se Zyada Bal Ka Istemal Nahi Kar Sakti: Supreme Court”.

Chief Justice of India Justice Surya Kant, Justice Joymalya Bagchi aur Justice N. Kotiswar Singh ki Bench ne Jantar Mantar protest se judi petitions par sunwai ke dauran kaha ki har nagrik ko Samvidhan ke tahat kanoon ke daayre me rehkar shantipoorn protest karne ka adhikar hai.

Bench ne spasht kiya ki sirf is wajah se ki kahin protest ho raha hai, police lathi-charge ya zarurat se zyada bal ka istemal nahi kar sakti.

Court ne kaha ki agar police excess ke aarop lage hain to unki nishpaksh jaanch honi chahiye aur desh bhar me protests se nipatne ke liye ek saman guidelines banane par bhi vichar kiya jana chahiye.

Justice Joymalya Bagchi ne kaha ki Court protest ke dauran ghayal hue students aur police, dono ki suraksha ko lekar chintit hai aur police ko zaroori safety equipment bhi uplabdh karaye jane chahiye.

Batadein ki Yeh tipanni 20 July ko Parliament March ke dauran hue police-protester jhadap aur police action ko lekar dakhil petitions ki sunwai ke dauran ki gayi.