Illegal Pheriwale, Hawkers Par BMC Ki Karwai Shuru, Alag Alag Areas Me Illegal Hawkers Par BMC Ke Officials Lenge Action
Mumbai ki sadkon par illegal hawkers aur pheriwalon ki badhti tadad ko dekhte hue Bombay High Court ne suo moto case darj karte hue BMC ko phatkar lagayi thi
Bombay High Court ki phatkar ke baad BMC Commissioner Bhushan Gagrani ne Mumbai Police officers ke sath meeting karke poore shahar me illegal pheriwale aur hawkers par karwai shuru kiya hai.
Mumbai ke Churchgate, CSMT, Colaba, Dadar, Borivali aur Andheri jaise bheed bhaad wale station premises par BMC ne friday se hi karwai shuru kar di hai.
BMC ne illegal pheriwale aur hawkers par karwai karne ke liye proper team banakar raat ke 11 baje tak action lene ka plan banaya hai, taki public spaces ko illegal hawking se mukti dilayi ja sake.