*Iran–Israel–US War Ka Asar: 255 Maharashtra Tourists Aur Students UAE Me Phase.*
*Iran–Israel–US War Ka Asar: 255 Maharashtra Tourists Aur Students UAE Me Phase.*
View this post on Instagram
Middle East me badhti tension, khas taur par Iran–Israel–US conflict ke chalte, Maharashtra ke lagbhag 255 tourists aur students UAE me phase hue hain. Dubai, Abu Dhabi aur Sharjah airports ko temporary taur par band kiya gaya, jiski wajah se kai log wapas nahi aa pa rahe hain.
Mumbai airport par bhi iska bada asar dekhne ko mila hai. Lagbhag 125 flights cancel ho chuki hain. International routes jaise London, New York, Toronto aur Paris ki flights bhi affected hain. Limited flights chalne ki wajah se ticket rates badhkar ₹1.5 lakh tak pahunch gaye hain.
Phase hue logon me Pune ke 10 tourists aur 84 MBA students shamil hain, jabki Pimpri-Chinchwad ke 40 senior citizens bhi UAE me atke hue hain. Thane ke 48 tourists, Sangli (Kupwad) ke 30, Jalgaon ke 31 aur Ahilyanagar ke 12 log bhi wahan phase hue bataye ja rahe hain. Iske alawa Latur, Washim aur Parbhani ke bhi kai log UAE me ruk gaye hain.
Parivaar walon me chinta ka mahaul hai aur sabhi surakshit wapsi ki umeed kar rahe hain.
