“Jo log SIR ko halke mein le rahe hain, woh log yeh khabar zaroor dekhein.”
West Bengal ki ek mahila Sahida Fakir, jo kareeb 20 saal se Mumbai mein rehkar domestic worker ka kaam kar rahi thi, aaj Bangladesh mein temporary shelter mein hain.
Sahida ke bete ne apni maa ko India wapas lane ke liye Supreme Court mein petition file ki hai.
Supreme Court mein file petition ke mutabik, SIR mein naam delete hone ke baad, 19 July ko Mumbai mein Sahida ko detain kiya gaya.
Aarop hai ki unhe 100 ghante se zyada custody mein rakha gaya, Magistrate ke saamne produce nahi kiya gaya aur kareeb 5 din baad BSF ko hand over kar diya gaya.
Uske baad, petition ke mutabik, unhe Bangladesh border ke paar bhej diya gaya.
Petition mein kaha gaya hai ki Sahida North 24 Parganas ke Gobindapur ki permanent resident hain.
Unke grandfather ka naam 1952 ki voter list mein aur unke parents ke naam 2002 ki voter list mein hone ka dawa kiya gaya hai.
Lekin SIR ke baad Sahida ka naam electoral roll se delete ho gaya.
Ab yahan ek bahut important baat samajhiye.
Voter list se naam delete hone ka matlab automatically Indian citizenship khatam hona nahi hai.
Supreme Court bhi pehle clarify kar chuka hai ki electoral roll se deletion apne aap citizenship khatam nahi karta.
Citizenship ka final determination Election Commission nahi karta.
Ab Supreme Court ne Central Government ko notice issue karke response manga hai.
Isliye SIR se related koi notice, voter-list deletion ya appeal ka matter ho, use ignore mat kijiye.
Apne documents aur electoral status ko properly check kijiye aur available legal process ko time par follow kijiye.










