Juloos me shaamil public ki madad se pakda gaya shooter (Pune 23/11/2018)
Chandan Nagar me ek mahila ka murder aur police party par firing karke bhaag rahe shooter ko, public ki madad se Maldhakka ke juloos me se pakda gaya.
Delhi ke Shivlal urf Shivaji Babulal Rao (39) aur uska bete Mukesh urf Monty (19), dono police ki hirasat me hai.
Watch video
Police ke mutabik, Baap-Bete ne Wednesday ko Ekta Brijesh Bhati (38) ko usi ki building me point blank range se chest me goli maar di, jisse uski maut ho gayi. CCTV aur technical jaanch ki aadhar par, police ne dono ko Pune railway station me paaya.
Crime branch Unit-1 ki team ne jab dono ko Jhelum express se niche utara, to usi dauran Shivlal ne Sr. PI Gajanan Pawar par 2 round fire kar, dono bhaag nikle. Main gate par tainat jab GRP ne isey pakad na chaha, to Shivlal ne unpar bhi 1 round fire kiya.
Maldhakka me juloos me maujud, jab public ne Shivpal ko revolver ke saath dekha, to lathi-dande se pithai kar, police ke hawale kiya. Dusre aaropi Monty ko GRP ne Daund se giraftar kiya.
JMFC ne dono ko 30 Nov tak ki PC di hai. Defence ki taraf se Adv. Biju Aloor aur Adv. Tousif Shaikh appear hue.
Mamle ki jaanch kar rahe, Anti-extortion cell (AEC) ke Sr. PI Raghunath Jadhav ne case ko jald break karne ki ummid jatayi hai. Supari / Business angle ke saath, murder me istemaal ki gayi revolver aur bhagne ke liye motorcycle denewale ki bhi investigation hogi.
Report for Gallinews by Sher M. Khan
Please Subscribe Gallinews New You Tube Channel and
Press Bell Icon to get Regular Update Press Link & Subscribe