Kaavad Yatra Ko Lekar UP Sarkar Ka Naya Farman: Sabhi Dukandar Apna Naam Bahar Zaroor Likhen.
Kuch Hi Dino Mein Kaavad Yatra Nikalne Wali Hai, Isliye Is Gharz Se Muzaffarpur Nagar Mein Kaavad Yatra Ke Pesh-E-Nazar Prashaasan Ne Phalo Ki Gaadiyan Aur Khane Peene Ki Dukaanon Aur Dhaba Lagane Wale Karobariyon Se Apni Rehdi Par Naam Likhne Ke Liye Kaha Hai Taaki Bechne Wala Agar Musalmaan Hai Toh Pahchaanne Mein Aasaan Ho Sake.
View this post on Instagram
Aap Ko Batadein Aisa Pehli Baar Nahi Hua Hai, Kai Saalon Se Is Mulak Mein Musalmanon Se Saamaan Na Kharidne Ki Appeal Ki Ja Rahi Hai Aur Musalmanon Se Kuch Bhi Kharidaari Na Ki Jaaye Iska Boycott Abhiyan Bhi Kai Saalon Se Jaari Hai.
Aap Ko Ye Bhi Batadein Ki, Kaavad Yatra Shiv Ke Bhakton Ki Ek Teerth Yatra Hoti Hai. Jo Log Uttarakhand Ke Haridwar, Gaumukh Aur Gangotri Jaise Hindu Teerth Jagho Mein Ganga Nadi Se Pavitr Jal Ko Laakar Mahaadev Ko Arpit Karate Hain Unhein Kaavadiyon Ke Roop Mein Jaana Jaata Hai Aur Yah Tyohar Barsaat Ke Shraavan Mahine July-August Ke Dauraan Manaya Jaata Hai Aur Ye Yatra Muzaffarpur Nagar Se Guzregi Isliye Yaha Khaas Kar Sabhi Karobaariyon Ko Name Plate Ya Apni Pehchaan Lagane Ke Liye Kaha Gaya Hai Taaki Musalman Vyapari Pahchaan Mein Aajaye.
Aap Ki Is Report Par Kya Rai Hai Apne Comments Hamen Zaroor Kijiye Aur Mazeed Khabron Ke Liye Galli News Par Bane Rahiye.
