Kalyan Me ₹40 Lakh Ki Din-Dahaade Loot: 24 Ghante Me 6 Aaropi Giraftar, ₹36.48 Lakh Cash Baramad.
Kalyan West mein 15 September 2026 ko ₹40 lakh cash lekar bank ja rahe do employees ko do bikes par aaye chaar logon ne raste mein rok kar unki scooter gira di aur cash lekar farar ho gaye.
Thane Police Crime Branch ne 24 ghante ke andar 6 aaropiyon ko giraftar kar liya. Police ke mutabik, jaanch mein saamne aaya ki kuch aaropi businessman ke employees reh chuke the aur unhe cash ko bank tak le jaane ki jaankari thi.
Police ne ₹36.48 lakh cash aur do motorcycles baramad ki hain. Chheyon aaropiyon ko aage ki jaanch ke liye police custody mein bheja gaya tha.
