Kurar Police Station ke Do Officers Par Rishwat Ka Case Darj
Anti Corruption Bureau (ACB) Mumbai ne Kurar Police Station ke do senior officers ke khilaf 1 lakh rupaye ki rishwat lene ke mamle me case darj kiya hai
Pakde Gaye Police Walo Ke Naam
Sanjeev Baliram Tawde – Senior Police Inspector, Kurar Police Station
Dnyaneshwar Govindrao Junne – Police Sub-Inspector, Kurar Police Station
Complainant ke khilaf Kurar Police Station me economic fraud ki complaint darj thi. Saath hi 22 January 2026 ko complainant ke bhai ne unke khilaf sexual harassment ki oral complaint bhi ki thi.
Aarop hai ki in dono cases me action na lene ke badle officers ne complainant se 3 lakh rupaye ki rishwat maangi.
Complainant ne pehle 2 lakh rupaye de diye the. Iske baad baaki 1 lakh rupaye ki demand ki ja rahi thi. Lekin complainant rishwat dena nahi chahta tha, isliye usne 3 February 2026 ko ACB office me jaakar official complaint darj karai.
ACB ne 18 February 2026 ko verification ke baad trap lagaya. Trap ke dauran Police Sub-Inspector Dnyaneshwar Junne ko 1 lakh rupaye lete waqt rangey haath pakda gaya. Iske baad dono officers ke khilaf Prevention of Corruption Act ke tahat case darj kiya gaya hai.
