@Dev_Fadnavis ji
Maharashtra police ko Beef Detection Kit de rahe, MD Detection Kit kab ayega? (2/8/2017)
Cocaine ka paryay aur ek chauthai se bhi kam kimat pe milne waala MD / Mephedrone / Meow Meow aaj samaj me ek mahamari ban chuka hai. Sabse pehle Israel me ijaat huva aur ban bhi unhone hi kar diya.
India me kayi samay tak zapt kiye gaye padarth par IPC 328 ki kalam lagaya karti thi police. Aakhir kar February 2015 me NDA sarkar ne hi isey NDPS Act me shumar kiya. Par tab tak kaafi der ho chuki thi.
Ban hone ke 2 saal baad bhi aaj Maharashtra police mehekme ke paas iski janch ke liye Field Detection Kit nahi hai. Narcotics Control Bureau (NCB) ke nivedan par Pune ki Hindustan Antibiotics Limited (HAL) is KIT ko banane me juti thi. Par ab tak koi safalta samne nahi aayi hai.
Specimen of Heroin, Cocaine, Meth, Gaanja detection kit:
In halaath me zapt kiye gaye padarth ko pehchaan ne ke liye, police do upay ka sahara le rahi hai:
Chemical Analysis (CA) ki report, jo pukhta sabot mani jaati hai, par waqt leti hai.
MD ki ek khaas sugandh hoti hai, jo sirf issey judey log hi pehchan sakte hai.
Waise Mumbai ANC DCP Shivdeep Lande ki mane to pichle 7 mahino me zyadatar Commercial Quantity ke mamle saamne aaye hai. Aur sabhi cases me conviction ki ummid bhi ki jaa rahi hai.
Aise me ye zeher saaf karne ke liye, police ko saadhan bhi purey mile to kuch baney.
(For More News Updates) follow on
https://m.facebook.com/gallinews
https://twitter.com/gallinews
https://www.youtube.com/user/gallinews
https://www.instagram.com/gallinews_com